كيف تتعلم الانجليزية فى 15 دقيقه يوميا من بيتك

!هنتعلم النهارده خطوات وطرق لتعلم اللغة الانجليزية لوحدك بدون معلم

اللغة الانجليزية أصبحت من أهم المحاور فى حياتنا سواء فى العمل أو حياتنا اليوميه لذلك عليك ان تبدأ فى تعلم اللغة الإنجليزية

!علشان كده الشغل الشاغل للكل دلوقتي انه يعرف ازاي اتعلم انجليزي في البيت بشكل صحيح مش بسرعه

لان فكرة السرعه هي أكبر كدبه ممكن حد يكدبها علينا في حياتنا

لأن ببساطه احنا لسه بنتعلم في لغتنا الأم لحد النهارده ايًا كانت اعمارنا علشان ناخد لغة تانيه

وتكون بمثابة اللغه الام عندنا فاحنا هنفضل نتعلم طول عمرنا الفكره اننا هنبدا نتعلم صح بنفس الطريقه اللي اتعلمنا بيها العربي

لأن دي الطريقه اللي ربنا خلق مخنا بيشتغل بيها أو بيستقبل المعلومه بالاخص اللغات بيها

ازاي ممكن اتعلم انجليزي صح؟ أو بالفصحي كيف اتعلم اللغة الانجليزية؟

بداية الاجابه هي اننا نعرف هو ازاي العقل البشري ممكن يتعلم لغه؟
ازاي اتعلمنا لغتنا الام؟

:لو ركزنا شويه مع اي طفل هنلاقي ان مراحل تعلم الكلام كالاتي

سنه تقريبا بيسمع بس negative listening  يعني بيسمع من غير اي رد فعل مش بيرد
طيب اللي بيسمعه دا بيروح فين بيتخزن في ال sub conscious اللاوعي
وبعدين بنلاقيه بيبدا ينطق الكلام متلغبط شويه بيقول كلمتين شويه
بيبدا ينطق صح ويقول جمل كامله صح ولاحظوا ان مفيش طفل عمره يغلط في التذكير والتانيث

女孩, 英语, 字典, 研究, 学校, 读, 书, 经验教训, 认为, 注意

ولا بيغلط في الماضي والمضارع علي الرغم من عدم استيعابه اصلا للفكره

ولا احنا كبالغين نعرف قواعد المضارع والماضي والمستقبل والفاعل والمفعول ونائب الفاعل
بس بنتكلم عربي صح ” الناس اللي بتتكلم عربي مش اصحاب اللكنات

طيب دا حصل ازاي؟

دا حصل من اللي كان بيسمعه اكتسب اللغه بقواعدها كده زي ما هي وبعدين بقى بيدخل المدرسه وبيبدا يفهم دا جيه منين وليه وعلشان ايه بس الكلام دا بعد ما يكون متقن تماما للغه بيبدا يتعلم الكتابه واسباب ان الفاعل مرفوع وووو الي اخره.

طيب دا ينفع بقى اعمله في الانجليزي او اي لغه عايز اتعلمها؟

طبعا، اصلا مينفعش تعمل غير كده

طيب انفذ ازاي ؟

اهم حاجه في اكتساب لغة جديدة هي الممارسة المنتظمة 
بمعني ان مينفعش امشي على سطر واسيب سطر
تاني اهم حاجه هي ال   negative listening اسمع كتير حتى اذا مش فاهم اسمع كتير

حتى اذا مش مركز في اللي بيتقال وهتقرا الترجمه اسمع واول ما هتبدا في المرحله اللي بعدها هتجني ثمار اللي كنت بتسمعه دا

طيب هنفضل

negative

عالطول؟

!اكيد لا

بعد كده هنبدا نختار scene من فيلم من الافلام اللي نحبها او كل يوم تبدا تحدد لنفسك على سبيل المثال 3 دقايق بالكتير ويكون معاك ال script الخاص بيهم وتبدا تسمع وتقلد بالظبط وتسجل لنفسك وتسمع وتقارن صوتك بصوت ال speaker الحقيقي
طيب انا هعرف منين انا صح ولا غلط ؟؟
ما انت هتسجل لنفسك وانت بتقلد الصوت الحقيقي وهتقارن ايه الفرق بين الصوتين

طيب احنا ممكن ننظم الدنيا اكتر ونخليها على هيئه جدول ؟؟؟
اه ممكن جدا
كل يوم هنحدد لنفسنا فيلم نشوفه  اي فيلم ونركز مع الترجمه والاحداث بتاعته عادي جدا
هنحدد 15 دقيقه ممارسه ال 15 دقيقه دول هنقسمهم على ال 3

1- اننا هنجيب كشكول خاص بينا كده وبالانجليزي وهنبدا نجيب ال scene المعين دا اللي هو 3 دقايق مش اكتر بس ممكن اقل اذا ال 3 دقايق كتير او فيهم كلام كتير  وهنبدا نطلع الكلمات الجديده علينا فيه ونعرف معناها مش بالعربي هننسى العربي تماما في التعليم لان مينفعش تتعلم لغه بلغه ايًا كانت اسبابك شوفلها رسمه , مثلها , غنيها اي حاجه المهم عربي لا

2- وبعدين هناخد الكلمات الجديده دي وهحاول احطها في جمل واتكلم بيهم واستخدمهم  واسمع التسجيل ماشي معانا طول الوقت دول كده تاني 5 دقايق اخر خمس دقايق اننا هنقلد ال scene دا ونسجل ونسمع نفسنا ونقارن اداءنا باداء الspeaker الاصلي

طيب مع الوقت هنبدا ال 15 دقيقه دول يكونوا نص ساعه 10 دقايق نسمع و10 دقايق
نعرف الكلمات وندخلها في جمل و10 دقايق نقلد

3- ومع الوقت هنبدل وممكن ندخل الكتابه في المووضع ونبدا نتعلم ازاي نكتب صح  وقدام شويه نبدل فكرة اننا نقلد بفكرة اننا نتلكم من نفسنا باستخدام الكلمات الجديده ونعمل مناقشات

关键, 老, 花, 怀旧, 年份, 玛格丽特, 开花, 铁锈, 金属, 古董

كل حد مننا هيقدر يبدا في دا وينفذه لوحده
بس الاجمل ان يكون في مجموعه من الايجابين اللي يقدروا ينفذوا دا مع بعض ويتابعوا بعض

اخيرًا وليس اخرًا ياريت كلنا نفتكر ان الانجليزي هو تاني اسهل لغه على مستوى العالم واحنا بنتكلم تاني اصعب لغه على مستوى العالم فالموضوع سهل متكبرهوش او تديله اكبر من حجمه.

وبالتوفيق وربنا يكرم الجميع

!اترك تعليقاتك وشاركنا بها

~أراك لاحقا

Look forward to your reply!

This site uses Akismet to reduce spam. Learn how your comment data is processed.

4 Comments

Scroll to Top